Алматы қаласы білім басқармасының басшысы болып Сайран Сайфеденов тағайындалды
![Алматы әкімдігі](/static/img/plug.jpg)
Алматы қаласының әкімі Ерболат Досаевтың өкімімен Сайран Сайфеденов білім басқармасының басшысы қызметіне тағайындалды.
Алматы, NEGE. Сайран Сайфеденов 1974 жылы дүниеге келген. Абай атындағы Қазақ мемлекеттік педагогикалық университетін, Алматы үздіксіз білім беру университетін, Қазақ жол және қатынас университетін бітірген.
Еңбек жолын 1997 жылы бастаған. Алмалы ауданы әкімінің аппаратында, сондай-ақ қала әкімінің аппаратында жұмыс істеді, Әуезов ауданы әкімінің орынбасары, Наурызбай ауданының әкімі лауазымдарын атқарды.
Әр жылдары Алматы қаласы әлеуметтік әл-ауқат басқармасы басшысының орынбасары, Әуезов ауданының әкімі болып жұмыс істеді.
2023 жылғы мамырдан бастап қазіргі тағайындауға дейін Алматы қаласы мемлекеттік активтер басқармасының басшысы болып жұмыс істеді.