Алматыда Экономикалық тергеп-тексеру департаментінің қызметкерлері Түрксіб ауданы тұрғындарына арналған қоғамдық қабылдауға қатысты
«Заң және тәртіп» қағидатын іске асыру іс-шаралары аясында Алматы қаласы бойынша Экономикалық тергеп-тексеру департаментінің қызметкерлері Түрксіб ауданы тұрғындарына арналған қоғамдық қабылдау жұмысына қатысты.
Алматы, NEGE. Іс-шара Алматы қаласы Түрксіб ауданының Комьюнити орталығымен бірлесіп ұйымдастырылды. Қоғамдық қабылдауға сондай-ақ Алматы қаласының прокуратурасы мен Полиция департаментінің өкілдері де қатысты.
Іс-шара барысында аудан тұрғындарына білікті заңгерлік кеңестер беріліп, көлеңкелі экономикаға және қаржылық құқықбұзушылықтарға қарсы іс-қимыл шаралары туралы маңызды ақпарат ұсынылды. Атап айтқанда, экономикалық саладағы құқықбұзушылықтардың алдын алу мәселелеріне ерекше көңіл бөлінді.
Мұндай іс-шаралар халықтың құқықтық сауаттылығын арттыруға, азаматтардың мемлекеттік органдарға деген сенімін нығайтуға және қоғам мен құқық қорғау құрылымдарының тиімді өзара іс-қимылына ықпал етеді.
