15 Қыркүйек 11:59
Алматы әуежайының екінші қабатына көлік кіруіне уақытша тыйым салынды
Алматы әуежайының екінші қабатындағы көлік қозғалысы бірнеше күнге шектеледі. Бұл туралы әуежайдың баспасөз қызметі хабарлады.
Алматы, NEGE. «Алматы халықаралық әуежайы мәліметінше, 16-21 қыркүйек аралығында екінші қабатқа көтерілуге арналған пандустың кеңеюіне байланысты екінші қабатқа шығу уақытша жабылады.
Ішкі және халықаралық терминалдарға жолаушыларды түсіру бірінші қабаттың ұшып келу аймағында жүргізіледі.
Жолаушылардың әуежайға алдын ала келуін сұраймыз. Уақытша қолайсыздық үшін кешірім сұраймыз», — делінген хабарламада.
