Алматы әуежайындағы оқиға: Ішкі істер министрлігі полицейлерді жазаламайды
Бұл туралы Мәжіліс отырысында Ішкі істер вице-министрі Санжар Әділов мәлімдеді.
Алматы, NEGE. Оның айтуынша, әуежайда адам көп болған, сондықтан күштік құрылымдар сақтық танытып, алгоритм бойынша әрекет еткен.
«Әуежай – адам көп жүретін стратегиялық нысан. Полиция алгоритм бойынша әрекет етті. Сондықтан оларға қатысты қылмыстық қудалау болмайды. Полиция оқиға орнынан табылды. Одан әрі оқиғаның ушығуына жол бермеді. Осы тұста азаматымыздың ерлігін көрдік», - деді Әділов.
Әділов қазір тергеу жүріп жатқанын, оның қорытындысы бойынша «әуежайдың барлық қызметтеріне, соның ішінде авиациялық қауіпсіздік қызметіне» құқықтық баға беріліп, тәртіптік жауапкершілікке тартылатынын атап өтті.