Алматы әуежайындағы оқиға: Полицейлерге қатысты қызметтік тексеріс басталды
Көліктегі полиция департаменті Алматы әуежайында қызды кепілге алған ер адамды ұстауға қатысқан қызметкерлердің әрекетін бағалады.
Алматы, NEGE. «Полиция қызметкерлері оқиға орнында Алматы әуежайының өкілдерімен бірлесіп, жағдайды жедел шешті. Шабуыл жасаған ер адам қызметкерге агрессия көрсеткенін ескере отырып, олар әуежай терминалында азаматтардың қауіпсіздігін қамтамасыз ету үшін көзделген алгоритмге сәйкес әрекет етті», - делінген хабарламада.
Көліктегі полиция департаменті аталған дерек бойынша қызметтік тексеріс жүргізіп жатыр. Оның нәтижелеріне сәйкес, құқықтық баға берілетін болады.
Еске сала кетейік, 7 наурызда Алматы әуежайында белгісіз ер адам қызметкерді кепілге алып, пышақпен қорқытпақ болған. Алайда оқиға орнында болған азамат қаскүнемді әңгімеге тартып, оңтайлы сәтте оның қолындағы пышақты тартып алған. Қылмыскердің мұндай әрекетке не себепті барғаны әлі анықталған жоқ.