Алматы әуежайында FlyArystan ұшағынан өрт шығып, бір қызметкер зардап шекті
Әлеуметтік желіде FlyArystan компаниясына тиесілі ұшақтан қою түтін шығып жатқаны түсірілген бейнежазба тарады. Компания өкілдері мән-жайды түсіндірді.
Астана, NEGE. FlyArystan өкілдерінің мәлімдеуінше, бүгін, яғни 28 тамызда әуе кемесіне жоспарлы техникалық жұмыстар жүргізу кезінде өрт шыққан.
«Жұмыстарды жүргізу кезінде жергілікті жерде өрт шықты. Оны әуежайдың жедел қызметтері дереу сөндірді. Air Astana тобының қызметкері жарақат алып, оған медициналық көмек көрсетілді. Кейін ол емханадан үйіне қайтарылды», – делінген компания хабарламасында.
Оқиға кезінде әуе кемесінің бортында жолаушылар мен экипаж мүшелері болмаған. Ұшақ уақытша пайдаланудан шығарылды.
Қазіргі уақытта Air Astana тобы Алматы халықаралық әуежайымен бірлесіп, өндірістік оқиғаның мән-жайын анықтап жатыр.