Алматы әуежайында ер адам өзін өртеп жіберді
Оқиға бүгін сағат 22:06 шамасында «Т-1» терминалының касса маңында болған, деп хабарлайды Көліктегі полиция департаменті.
Алматы, NEGE. «Полиция қызметкерлері әуежайдың қауіпсіздік қызметімен бірлесіп жедел шаралар қабылдады. Өртті сөндіріп, жедел жәрдем шақырды. Ер адам қалалық ауруханаға жеткізілді», – делінген хабарламада.
Бұл дерек бойынша қылмыстық іс қозғалды.
Кейін белгілі болғандай, өзін-өзі өртеп жіберген ер адам мұндай қадамға азаматтық некедегі жарымен болған жанжалдан кейін барған.
