16 Ақпан 16:51
Алматы әуежайында 12 рейстің ұшу уақыты шегерілді
Алматыда ауа райының күрт нашарлауына байланысты әуежайда бірнеше рейстің ұшуы белгісіз уақытқа дейін шегерілді.
Алматы, NEGE. «Мегаполистегі метеоахуалдың қолайсыздығына байланысты 12 əуе рейсі кешігіп жатыр. Жолаушылардан түсіністікпен қарауды сұраймыз. Әуежайдың барлық қызметтері күшейтілген режимде жұмыс істеуде», - деп хабарлады Алматы халықаралық əуежайынан.
Сондай-ақ Дели, Душанбе, Доха, Мәскеу бағыты да кешігуде. Барлығы 12 рейс жоспарланған уақытта ұша алмады.
