Алматы әуежайын су басты
Алматыда нөсер жаңбыр жауып, халықаралық әуежайды су басты.
Астана, NEGE. Әуежайдың баспасөз қызметі таратқан мәліметке сәйкес, нөсер жауын салдарынан Т1 және Т2 терминалдарының кейбір бөліктерінде шатырдан су аққан.
«Ақау 30 минут ішінде жедел түрде жойылды. Жағдай рейстердің орындалуына әсер еткен жоқ. Қазіргі уақытта әуежай штаттық режимде жұмыс істеуде», – делінген хабарламада.
Қазір ақаудың себептері анықталып, мұндай жағдай қайталанбас үшін инфрақұрылымға қосымша тексеру жүргізіліп жатыр.
