Алматы әуежайында рейстер уақытша тоқтатылды
2024 жылғы 20 желтоқсан күні сағат 20:45-тен 23:00-ге дейінгі аралықта Алматы қаласы әуежайы ауа райының нашарлауына байланысты әуе кемелерін қабылдауды уақытша тоқтатады.
Алматы, NEGE. Қазіргі уақытта Алматы әуежайынан 9 рейстің ұшуы, 12 рейстің келуі кешіктіріліп, 2 рейс тоқтатылды.
«Әуе рейстері, ең алдымен, жолаушылардың қауіпсіздігін қамтамасыз ету үшін кешігіп жатыр. Бұл азаматтық авиацияның басты басымдығы. Кешіккен рейстер ұшу кестесінің өзгеруіне себеп. Осыған байланысты жолаушыларға өз рейстерінің мәртебесі мен ұшу уақытын әуежай мен әуе компанияларының анықтама қызметтерінен алдын ала нақтылауға кеңес береміз», – делінген хабарламада.