Алматы әкімдігі билбордтар орнатуға 600-ден астам жер телімін заңсыз берген
Жер учаскелері жер заңнамасының талаптарын бұза отырып сатылған.
Астана, NEGE. Бұл жөнінде қалалық прокуратура хабарлады. 2004 жылдан 2020 жылға дейін Алматы қаласының әкімдігі жалпы пайдаланымдағы жерлерді тізімнен заңсыз алып тастап, билборд орнату және қызмет көрсету үшін сауда-саттық өткізбей жеке меншікке берген.
«Сот Алматы қаласы Жер ресурстарын басқару департаментінің талап-арызын қанағаттандырып, жалпы алаңы 0,298 га жол бөлінген белдеуде жеке меншіктегі 649 жер учаскесі мемлекет меншігіне қайтарылды», – деп хабарлады қадағалаушы орган өкілдері.
Еске салсақ, бұған дейін Көкшетау әкімдігі құны 70 млн теңге болатын 2,4 га жерді заңсыз бергені анықталды. Қалалық прокуратураның қадағалау шараларымен заңсыз ұсынылған 10 жер телімі мемлекетке қайтарылды.