Әлихан Бөкейхан ауданына жаңа әкім тағайындалды
Қарағанды қаласы Әлихан Бөкейхан ауданының әкімі ауысты. Бұл лауазымға Саят Шаймин тағайындалды.
Алматы, NEGE. С.Шаймин бұған дейін Қарағанды облысының Жолаушылар көлігі және автомобиль жолдары басқармасының басшысы қызметін атқарды.
«ҚР Президенті Әкімшілігінің және қалалық мәслихат депутаттарының келісімі бойынша Саят Шаймин Қарағанды қаласы Ә.Бөкейхан ауданының әкімі болып тағайындалды», – делінген Қарағанды әкімінің баспасөз қызметі ұсынған хабарламада.
Бұрынғы аудан әкімі Мейрам Кожухов басқа жұмысқа ауысуына байланысты қызметінен босатылды.
Саят Шаймин еңбек жолын «Қарағанды Жолдары» ЖШС күрделі құрылыс бөлімінің маманы болып бастады.
«Қазавтожол» АҚ жұмыс істеді. 2019 жылы Қарағанды облысының Жолаушылар көлігі және автомобиль жолдары басқармасы басшысының орынбасары болып тағайындалды.
Ал 2021 жылдың мамыр айында осы басқарманың басшысы болды.