Әл-Фараби даңғылындағы «Есентай» өзені арқылы өтетін көпір жаңартылады
Бостандық ауданында жалпы ұзындығы 28 км болатын 24 көше орташа жөндеуден өтеді.
Алматы, NEGE. Жұмыс мамыр айында басталып, қараша айында аяқталады. Бұл туралы қала әкімі Ерболат Досаев қала тұрғындарымен кездесуде мәлімдеді.
«Жыл басынан бері ауданы 1,7 мың шаршы метр 20 көшеде шұңқырларды жөндеу жұмыстары жүргізілді. Осы бағыттағы жұмыс жалғасады. Орталықсыздандыру аясында биылғы жылдан бастап жолдарды ағымдағы жөндеуді аудан әкімдіктері жүргізеді», - деді қала басшысы.
Ауданда 250 млн теңгеге жалпы ауданы 16,5 мың шаршы метр жолды жөндеу жоспарланған. Маусым айында Әл-Фараби даңғылындағы «Есентай» өзені арқылы өтетін көпір қайта жаңартылып, ерекше қажеттілігі бар адамдар үшін 2 көпір мен пандустар орнатылады.