Әлеуметтік желіден басталған: Ақтөбеде төбелес кезінде 2 жасөспірім қаза тапты
Ақтөбе қаласында топ болып төбелескендер арасында 2 жігіт қаза тапты.
Алматы, NEGE. Оқиға 2-қаңтардан 3-қаңтарға қараған түні болған.
«Жанжал Instaqram әлеуметтік желісіндегі қақтығыстан басталған. Содан кейін олар кездесіп, талқылауға келіскен. Ұсталғандар уақытша ұстау изоляторына қамалды. Қазір Қылмыстық кодекстің «Кісі өлтіру» бабы бойынша сотқа дейінгі тергеу жүргізіліп жатыр. ҚР ҚПК-нің 201-бабына сәйкес өзге де ақпарат жариялауға жатпайды», - делінген хабарламада.
Кәмелетке толмаған екі бала алған жарақаттарынан Ақтөбе қалалық жедел жәрдем ауруханасында есін жимай көз жұмды.
