Әлеуметтік қашықтықты қалай сақтауға болады?
Дубайлық компания әлеуметтік қашықтықты сақтаудың ерекше амалын ойлап тапты. Компания қызметкерлеріне үш түрлі түсті білезік таратылған.
Алматы, NEGE. Әр түстің өз мағынасы бар. Мәселен, жасыл түсті білезік таққан қызметкер өзгелерге жанына жақындауға рұқсат береді. Сарысын таңдағандар қауіпсіз қашықтықты сақтауға шақырады. Ал қызыл білезік таққан қызметкерлер басқалардың аулақ жүргенін қалайды екен.
Компания менеджері:Мұхаммед Әбу Жүсіп: "Мен фотограф болып жұмыс істеймін. Қызмет бабымен көп адаммен жолығуға тура келеді. Үйде қарт кісілер бар. Олардың денсаулығына алаңдағандықтан, қауіпсіздік шараларын сақтауға мәжбүрмін. Сол үшін сары түсті білезік тағамын", – деді.
