Әлемнің ең қымбат футбол клубтары белгілі болды

 Алматы, NEGE. Сарапшылар команданың инфрақұрылымы, құрамы мен спорт саласындағы коммерциялық жағдайын бағалап, осындай шешімге келген, деп хабарлайды Kazinform.

Көш басында Испанияның «Реал» (Мадрид) клубы тұр. Сарапшылардың пікірінше, оның құны - 5 млрд 490 млн еуро.

Екінші орында тұрған Англияның «Манчестер Юнайтед» клубы 5 млрд 427 млн еуроға бағаланған.

Үздік үштікті 4 млрд 984 млн еуромен Испанияның «Барселонасы» түйіндеп тұр.

Алғашқы ондықтағы командалардың басым бөлігі Англия премьер-лигасында ойын көрсетеді. Ал А сериясынан бір де бір клуб аталған рейтингке кірген жоқ.

Forbes нұсқасы бойынша әлемнің ең қымбат командаларының ТОП-10 тізімі:

«Реал» – € 5,5 млрд
«Манчестер Юнайтед» – € 5,4 млрд
«Барселона» – € 4,9 млрд
«Ливерпуль» – € 4,7 млрд
«Манчестер Сити» – € 4,5 млрд
«Бавария» – € 4,3 млрд
«ПСЖ» – € 3,8 млрд
«Челси» – € 2,8 млрд
«Тоттенхэм» – € 2,5 млрд
«Арсенал» – € 2,4 млрд.

Еске салсақ, бұдан бұрын Аргентина құрамасында оныншы нөмірлі жейде Мессиден кейін ешкімге берілмейтіні хабарланды.