Дүние
Әлемнің ең бай адамдары салықтан қалай жалтарған?
АҚШ билігі елдегі ауқатты азаматтардың салық төлеуі туралы ақпараттың көпшілікке жария болуына қатысты фактіні тергеуге алады.
Алматы, NEGE. Осының алдында жергілікті журналистер миллиардерлердің қарапайым азаматтарға қарағанда аз салық төлейтінін анықтаған болатын. Тілші қарауылына Билл Гейтс, Илон Маск және Уор-рен Баффет сияқты қалталылар іліккен. Мысалы, адамзатты Марсқа апармақ болып жүрген Маск 15 миллиард доллар табыс тауып, 500 миллиондай ғана салық аударған. Ақ үй өкілдері мұндай мәліметтерді жариялау заңсыз деп мәлімдеді. Бірақ Джо Байден әкімшілігі журналистерінің зерттеуі ірі корпорациялар мен байлар көбірек салық төлеу керектігін де атап өткен.
Джен Псаки, Ақ үй баспасөз хатшысы:
– Әлбетте, біз бұл жағдайды ерекше бақылауға аламыз. Мен бұл жерде үкіметтің құпия ақпаратына қатысты егжей-тегжейлі түсініктеме бермеймін. Тек корпорациялар мен жоғары табысқа ие жеке тұлғалардың әділетті мөлшерлемеге сәйкес салық төлеуі үшін қыруар жұмыс атқаруымыз керектігін айтқым келеді.