Дүние
Әлемде COVID-19 құрбандарының саны 100 мыңнан асты
Бүкіл әлем бойынша пандемия құрбандарының саны 100 мыңнан асты, деп хабарлайды «Хабар 24». Джонс Хопкинс университеті келтірген дерек осындай.
Алматы, NEGE. Қауіпті індеттен көз жұмғандар саны жағынан Италия әлі бірінші тұр. Бұл елде 19 мыңға жуық адам бақилық болған. Одан кейін АҚШ. Аталған мемлекетте 18 жарым мыңдай кісі қаза тапқан. Ал Испания осы уақытқа дейін 16 мыңнан аса азаматынан айырылды. Коронавирус жұқтырғандардың жалпы саны жағынан да АҚШ, Испания, және Италия елдері алда. Айта кетейік, бүгінде дүниежүзі бойынша 1 миллион 600 мыңнан астам науқас бар. Қатерлі вирус 185 елде тіркелген.