Дүние
Әлем туризмі 730 млрд еуро шығынға батты
Коронавирус пандемиясынан биыл әлемдік туризм 730 миллиард еуро шығынға батты. Бұл 2009 жылғы дағдарыс кезімен салыстырғанда 8 есеге көп.
Алматы, NEGE. Дүниежүзілік туризм ұйымы осындай дерек келтірді. Ұйымның мәліметінше, ағымдағы жылдың 8 айында әлем бойынша туристік сапарлар саны 70 процентке қысқарған. Биылғы қаңтар мен тамыз аралығында жолға шыққандар қатары былтырғыға дәл осы кезеңнен 700 миллионға аз екен. Сарапшылардың сөзінше, мұндай ахуалдың әлеуметтік-экономикалық салдары орасан. Себебі ол жаппай жұмыссыздыққа әкелуі мүмкін.