Дүние
Әлем қауіпсіздігіне ең қатерлі саясаткер анықталды
«Әлем үшін ең қауіпті саясаткер АҚШ президенті Дональд Трамп. Ол ядролық соққымен өзге елдерге доқ көрсететін Путиннен де, Ким Чен Ыннан да, Иранның рухани көсемі Аятолла Хомениден де, Қытайдың хатшысы Си Цзиньпиннен де қауіпті»,
– деп есептейді Германияның YouGov социологиялық институты. Бұл жөнінде немістің Deutsche Welle басылымы жазуда.
Алматы, NEGE. Дауыс беру нәтижесінде 41% неміс Трампты әлем қауіпсіздігі ұшін аса қауіпті тұлға деп таныған. 17% қатысушы Ким Чен Ынды қауіпті деп таныса, немістердің 8% Путинді, 7% Си Цзиньпинді қауіпті саясаткер деп даус берген. Әлеуметтік талдау жасайтын институт былтыр да неміс халқы Трампқа қатысты 48%, Ким Чен Ынға 21%, ал, Путинге қарсы 15% дауыс бергендігін жазады.
Есесіне, немістер өз канцлері Ангела Меркельден (44%) гөрі Франция президенті Эммануель Макронға (57%) көбірек сенім артады екен. Үшінші орында Австрия сайлауында жеңіп шыққан Себастьян Курц (33%), сенімділік жөнінен төртінші орында – Владимир Путин (26%).
