Әлем елдері Ливанға көмек жібереді
Франция президенті Эммануэль Макрон Ливанға көмектесу жұмыстарын үйлестіру бойынша «донор елдер» жиынын өткізді.
Алматы, NEGE. Ол онлайн форматта өтті. Жиын барысында Макрон жойқын жарылыстан зардап шеккен Ливан халқына қол ұшын созу керегін алға тартты. Франция басшысының айтуынша, бұл іс Ливан мен оның халқын қолдаудағы бірліктің бірегей үлгісі болуы тиіс. Айта кетейік, тамыздың төртінде Бейрутте жойқын жарылыс болып, 158 адам қаза тапты. 5 мыңнан астам азамат зардап шекті.
Франция президенті Эммануэль Макрон: "Жиынға 15 ел қатысып отыр. Түркия және Ресей елдерімен байланыстық. Түрік елі конференцияға қатыса алмағанымен, Ливанға қол ұшын созбақ. Ресейдің де көмектесетініне сенімдімін. Бұдан бөлек, Израиль де көмек көрсетуге ниет білдіріп отыр", - деді.
