Әлем чемпионаты: Жас хоккейшілер Германиямен кездеседі

Алматы, NEGE. Қазақстандық хоккейшілер B тобында ойын көрсетті.

Топтық кезеңде олар Швециядан 0:8, Чехиядан 2:14, Швейцариядан 4:5, Словакиядан 1:3 есебімен жеңіліп, плей-офф сатысына шыға алмай қалды.

Небәрі бір ұпайды місе тұтқан қазақстандық жастар өз тобында бесінші орынға табан тіреді. Германия да осындай ұпаймен А тобының көш соңында қалып қойды.

Бұл матч 2 қаңтарға жоспарланған. Жеңген құрама 2026 жылғы әлем чемпионатында жоғары дивизионда ойнау мүмкіндігіне қол жеткізеді.

Ал плей-офф сатысында АҚШ пен Швейцария, Чехия мен Канада, Швеция мен Латвия, Финляндия мен Словакия кездеседі.

Қазақстан құрамасының ойыншылар тізімі төмендегіше:

Қақпашылар: Джохар Дударкиев, Владимир Никитин (екеуі – «Снежные барсы», МХЛ), Данил Лыткин («Барыс U18»)

Қорғаушылар: Роман Большедворский, Аслан Жүсіпбеков, Санжар Ибрагим, Глеб Решетько, Даниал Шақшақбаев, Мстислав Шипилин (барлығы – «Снежные барсы», МХЛ), Данила Беляков («Торпедо», Өскемен), Бейбарыс Оразов («Барыс», КХЛ)

Шабуылшылар: Абзал Әлібек («Филадельфия Ребелс», NAHL), Әділ Бейсембаев, Артур Гросс, Кирилл Канкин, Владимир Корчагин, Кирилл Ляпунов, Александр Мигунов, Асанәлі Русланұлы, Никита Ситников (барлығы – «Снежные барсы», МХЛ), Александр Ким («Бисмарк Бобкэтс», NAHL), Давлат Нұркенов («Эссят U20», U20 SM-sarja), NAHL), Егор Левковец (МХК «Барыс»), Асанали Саркенов (Спокан Чифс, WHL), Семен Симонов («Барыс»).

Осыған дейін Ұлттық олимпиада комитеті Қысқы Азия ойындарын ұйымдастырушылармен аталған байрақты бәсекеге Қазақстанның спорт делегациясының қатысуын ұйымдастыру мәселелері бойынша қарқынды жұмыс жүргізіліп жатқанын аздық. Еліміздің спортшылары 9-Қысқы Азия ойындары бағдарламасына кірген спорттың 11 түрінің 10-ына қатысуды жоспарлап отыр.