Алексей Цой елде карантин енгізудің үш сценарийін айтты
Денсаулық сақтау министрі Алексей Цой елдегі эпидемиологиялық жағдайға байланысты енгізілуі мүмкін үш сценарийді атады.
Нұр-Сұлтан, NEGE. Жағдайға байланысты сценарий апта сайын өзгеруі мүмкін. Өйткені әзірге не боларын болжап білу мүмкін емес.
«Пессимистік сценарий бойынша егер маска тағу 60% ғана болып, 2020 жылдың қазан-желтоқсан айларында вирус жұқтырғандар саны 190 мың адамған жетсе және 65 мың адам ауруханаға жатуға мұқтаж болса, локдаун желтоқсанның ортасында енгізіледі деп жоспарлануда.
Екінші реалистік сценарий бойынша 70% халық маска тағып, 2020 жылдың қазан-желтоқсанында көрсеткіш 90 мың адамға жетсе, 30 мың адам ауруханаға жатуды қажет етсе, локдаун қаңтар айында енгізіледі.
Ал егер халық ара қашықтық сақтап, 100% маска тақса, бізге ешқандай да карантин енгізу қажет болмайды. Мұндай оптимистік сценарий бойынша қазан-желтоқсан айларында 40 мыңға жуық адам жұқтырып, 15 мың адам ауруханаға жатқызылуы мүмкін», – деді А.Цой пандемияның екінші толқынына дайындықты пысықтау жөніндегі отырыста.
Яғни халық жақындарының жайын ойлап той-томалақты қысқартса, ара қашықтықты сақтаса, маска тағып жүрсе, ешқандай да карантин болмайды.