Александр Бублик Туринде жартылай финалға шықты
Қазақстанның бірінші ракеткасы, әлемнің 76-ракеткасы Александр Бублик Италияның Турин қаласында өтіп жатқан кәсіби турнирдің жартылай финалына жолдама алды.
Алматы, NEGE. Ширек финалда ол аргентиналық Томас Мартин Этчеверриге қарсы тартысты матч өткізді.
Бірінші сетте Бублик қарсыласын 6:2 есебімен жеңсе, екінші партияда Этчеверри 6:3 нәтижесімен таразы басын теңестірді.
Алайда шешуші үшінші сетте Бублик 7:5 есебімен басым түсіп, жеңісті жұлып әкетті.
Екі сағаттан астам уақытқа созылған ойында қазақстандық спортшы 11 эйс орындап, 8 брейк-пойнттың төртеуінтиімді пайдаланды. Қарсыласы 9 эйс жасап, 3 брейкке қол жеткізді.
Енді Бублик финал жолдамасы үшін әлемнің 71-ракеткасы, германиялық Даниэль Альтмайермен кортқа шығады.