Алдағы үш күнге арналған ауа райы болжамы жарияланды
Синоптиктер 2022 жылғы 3-5 желтоқсанға арналған ауа райы болжамын жариялады. Болжам бойынша, қар жауып, бұрқасын, тұман түсіп, 34 градус аяз болады.
Алматы, NEGE. Қазақстанның басым бөлігінде атмосфералық фронттар жүріп өтеді, салдарынан ауа райының тұрақсыз сипаты сақталады, қар жауады.
Тек елдің батысында ғана ауа райы негізінен жауын-шашынсыз болады.
Республиканың солтүстік-батысында, солтүстігінде, шығысында және орталығында бұрқасын соғып, жел күшейеді, оңтүстік және оңтүстік-шығысында тұман болады.
Түнде батыста ауа температурасы 10-22 аяз, оңтүстік-батыста 3-15 аяз, солтүстік-батыс және солтүстікте 20-30 аяз, орталықта -13, -22-ден 20-30 градус аязға дейін төмендейді.
Еліміздің шығысында 25-34 аяз, республиканың оңтүстігінде, оңтүстік-шығысында 5-15, таулы аудандарда 15-20 градус аяз болады.
