Алдағы күндерге арналған ауа райы: Қар жауып, бұрқасын болады
Қазгидромет жаңа жер аумағынан Қазақстанның солтүстік өңірлеріне ойысып жеткен циклон 2022 жылы 24-26 наурыз аралығында қар аралас жаңбыр түрінде жауын-шашынның түсуіне әкеліп соғатынын болжады.
Алматы, NEGE. Сонымен қатар, Қазақстанның батыс, оңтүстік-батыс аудандарына солтүстік-батыс антициклоны өз ықпалын сақтап отыр, бұл өңірлерде жауын-шашынсыз, ашық күн райы сақталады.
25-26 наурызда Қазақстанның оңтүстік жартысында Оңтүстік Каспий циклоны және онымен байланысты жауын-шашын сипатындағы атмосфералық фронтальды бөліктер өтеді, соған байланысты республикамыздың оңтүстік-батысында қатты жауын-шашын (жаңбыр, қар) болады.
Республикамыз бойынша тұман түсіп, көктайғақ болады, жел күшейіп, солтүстікте, шығыста, еліміздің орталығында бұрқасын болады деп болжанады.
Республикамыздың солтүстік жартысында түнгі ауа температурасы -2 ... -15 градус аяз болады, ал оңтүстік жартысында -3...-11 градустан 0...+8 градусқа дейін сынап бағаны көтеріледі, күндіз республикамыздың солтүстігінде 0...-9 градус аяз болады, ал оңтүстікте +7...+17 градус жылы болады деп күтіледі.