Алдағы демалыс күндеріне арналған ауа райы болжамы жарияланды
Синоптиктер Қазақстанда 8, 9 және 10 маусымға арналған ауа райы болжамын ұсынды.
Алматы, NEGE. Болжам бойынша, алдағы күндері Қазақстанның басым бөлігінде ауа райы тұрақсыз болады, бірқатар аймақта өткінші жаңбыр жауады. Елдің солтүстік-батысында және солтүстігінде нөсер жауады, күн күркірейді, жел күшейеді, күндіз бұршақ жаууы мүмкін.
Сонымен қатар Қазақстанға Жерорта теңізінен өте жылы ауа келеді, соның әсерінен облыстардың көпшілігінде термометрлер 27-35 градусқа дейін, ал оңтүстікте 35-42 градусқа дейін көтеріледі.