Алаяқтық жасағаны үшін іздеуде жүрген 26 жастағы қыз Бішкекте ұсталды
Қазақстан ІІМ Интерпол Ұлттық орталық бюросының сұрауы бойынша Бішкек халықаралық әуежайында аса ірі мөлшерде алаяқтық жасағаны үшін іздеуде жүрген 26 жастағы қыз ұсталды, деп хабарлайды Polisia.kz.
Алматы, NEGE. 2023 жылдың жазында ол өзге адамдармен бірге банктердің бірінің клиенттерін алдау арқылы банк қосымшасының көмегімен ақша ұрлаған. Келтірілген шығын 237 миллион теңгеден асады.
Сонымен қатар «QI-Trade Kazakhstan» қаржы пирамидасының жетекшісі экстрадицияланған болатын.
Аталған топтың мүшелері 2017-2020 жылдар аралығында Қазақстан аумағында «QI-Trade» қаржы пирамидасын ұйымдастырып, 4,7 мыңнан астам салымшының жалпы сомасы 15 миллиард теңге қаражатын заңсыз иемденген.
Қылмыстық топтың кейбір мүшелері сотпен әртүрлі жазаға тартылған, ал күдікті қылмыс жасағаннан кейін бой тасалап, халықаралық іздеуге жарияланды.
Іздеуде бола тұра, ол Қырғызстанда кісі өлтіру қылмысын жасап, қырғыз сотымен сотталды.
