Алаяқтар Аида Балаеваның дауысын қолдан жасап, аудиохабарламалар таратып жатыр
Бұл туралы Мәдениет және ақпарат министрі Аида Балаеваның өзі әлеуметтік желідегі парақшасында хабарлады.
Алматы, NEGE. Министрдің айтуынша, алаяқтар оның дауысын қолдан жасап, аудиохабарламалар таратып жатыр.
«Кейінгі уақытта белгісіз біреулер менің атымнан таныс және бейтаныс адамдарға жасанды интеллектінің көмегімен дауыстық хабарламалар жіберу жағдайлары жиілеп кетті. Сіздерден осындай хабарламаларды елемеуді, бейтаныс нөмірлерді бұғаттауды сұраймын. Бұл – алаяқтардың әрекеті. Алданып қалмаңыздар», - деп жазды Балаева.
