Алакөл үстінде дельтапланмен рұқсатсыз ұшқан кәсіпкер жауапқа тартылды
«Достық» көлік прокуратурасы «SKYPPER 912» дельтапланы иесінің әрекетінде бұзушылықтарды анықтады, ол тиісті рұқсатсыз демалушыларға Алакөл үстінде ақылы ұшуды ұсынған.
Алматы, NEGE. Прокуратураның бастамасымен Алматы қаласының әкімшілік құқық бұзушылықтар бойынша мамандандырылған ауданаралық сотында кәсіпкерді әкімшілік жауаптылыққа тарту мәселесі қаралды.
Сот дельтаплан иесін Қазақстан Республикасының әуе кеңістігін пайдалану тәртібін бұзғаны үшін Әкімшілік құқық бұзушылықтар туралы кодекстің 563-бабының 2-бөлігімен кінәлі деп тапты. Оған 55380 теңге айыппұл салынып, ұшу аппараты мемлекет пайдасына тәркіленді.
Естеріңізге сала кетейік, өткен жылдың жазында Алакөл көлінде аталған дельтапланның қатысуымен апат орын алып, соның салдарынан екі адам жарақат алған. Қазақстан Республикасы Қылмыстық кодексінің 344-бабының 1-бөлігі бойынша қылмыстық іс тараптардың татуласуына байланысты тоқтатылды.
Қазір оқып жатыр
Маңғыстау облысында жылқылар қолайсыз ауа райының салдарынан қырылып жатыр
Теміржолшылар үшін қолжетімді баспана бағдарламасы басталды
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
