Алабайды айуандықпен өлтіргендер ұсталды
Оқиға «Малиновый сад» саяжайында 23 қаңтарға қараған түні болған. Алабайды екі адам айуандықпен өлтіріп, күшіктерін жарақаттаған, деп хабарлады «Мой ГОРОД».
Алматы, NEGE. – Ол өте мейірімді ит еді. Олар оны шынжырдан шешіп, алып кетткен. Егер ол қабаған болса, олар мұны қалай жасады? Күшіктер қатты зардап шеккен жоқ, тек бірнеше жерінен жарақаттаған, – дейді қоғам белсендісі Лариса.
Әйелдің айтуынша, ол иттің иесі екеуі бірден полиция шақырған, алайда учаскелік полиция қызметкері келген. Содан ол тағы да 102-ге хабарласып, жедел топтың келуін талап еткен.
Лариса екі күдіктіні де біледі, оның үстіне итті қалай азаптағанын да өз көзімен көрген. Ол ер адамдардың иттің иесімен жанжалдасып қалғанын айтты. Расталмаған мәліметтерге сәйкес, күдіктілер бұрын зорлық-зомбылық жасағаны үшін де ұсталған.
Бұл факті бойынша ҚР Қылмыстық кодексінің 316-бабы - жануарларға қатыгездікпен қарау бойынша сотқа дейінгі тергеу басталғанын БҚО полиция департаментінің баспасөз қызметі хабарлады.
