Ақтөбені жағымсыз иіс жайлады: мамандар себебін таппай жатыр
Ақтөбеліктер бірнеше күннен бері қаланы жайлаған өткір газ исіне шағымдануда. Қала тұрғындары қауіпсіздігі мен денсаулығына алаңдаулы.
Астана, NEGE. QazaqGaz Aimaq Ақтөбе филиалы қалаға жеткізілетін газ стандарттарға сәйкес екенін, ешқандай апат болмағанын хабарлады.
Экологтар да ауа сапасын тексеріп, ластаушы заттардың шектен аспағанын анықтаған.
«27–28 қаңтар күндері Экология департаментінің мамандары қала аумағында атмосфералық ауаның сапасын анықтау мақсатында рейдтік іс-шаралар жүргізді. Жүргізілген өлшеулердің нәтижесі бойынша ластаушы заттардың (күкіртсутек, азот диоксиді, күкірт диоксиді, көміртек тотығы, меркаптандар) шекті рұқсат етілген концентрацияларынан асу фактілері анықталған жоқ, ластану көздері белгіленбеді», – делінген хабарламада.
Қазіргі уақытта Экология департаментінің мамандары QazaqGaz Aimaq мамандарымен бірлесіп, атмосфералық ауаның сапасын бақылау, өлшеу жұмыстарын жүргізіп жатыр.
