Ақтөбелік оқушы тауып алған телефонның ішіндегі банк қосымшасынан ақша жұмсаған
Ақтөбелік оқушы тауып алған телефонның ішіндегі банк қосымшасынан ақша жұмсаған, деп хабарлайды Polisia.kz.
Алматы, NEGE. Полицияға 59 жастағы әйел арызданды. Жәбірленушінің айтуынша, ол телефонын жоғалтқаннан кейін, оның банктік қосымшасынан ақша алынған. Полиция қызметкерлері жедел іс-шаралар кешенін өткізу барысында 15 жастағы оқушыны анықтап, полиция бөліміне жеткізді.
Алдын ала тергеу барысында белгілі болғандай, 9-сынып оқушысы көшеден телефон тауып алып, телефонға орнатылған банктік қосымшаның құпия санын қалпына келтіру арқылы бір кеште шоттан 100 мың теңгеден астам ақша жұмсаған.
Ақша ұрлау дерегі бойынша ҚР ҚК-нің 188-бабының 2-бөлігімен сотқа дейінгі тергеу басталды.