Ақтөбеге бара жатқан пойызда қыз бала дүниеге келді (видео)
Ақтөбе бағытындағы жолаушылар пойызында қыз бала дүниеге келді.
Алматы, NEGE. №33 "Алматы-Ақтөбе" бағытындағы пойызбен келе жатқан Айнагүл Тілеубергенованың толғағы басталған. Оған көмек көрсетуге пойыз бригадасының қызметкерлері дереу жетеді. Пойыз ішінде қыз бала дүниеге келді.
Жем станциясына жеткенде жаңа туған нәресте мен оның анасын жедел жәрдем қызметкерлері қабылдап алады. Кейін анасы қыздың есімін Малика қойғанын айтты.
Ресми дерек бойынша, соңғы үш жылда пойызда 11 сәби дүниеге келген екен.
