Ақтөбедегі бейімдеу орталығынан қашып кеткен үш қыз табылды
Ақтөбеде жергілікті кәмелетке толмағандарды бейімдеу орталығынан қашып кеткен үш қыз жалдамалы пәтерден табылды.
Алматы, NEGE. 8 желтоқсан күні «Аяла» бейімдеу орталығынан кәмелетке толмаған үш қыз – Мырзакенова Манар, Тезекбаева Әмина және Дошонова Жұлдызай қашып кеткен болатын.
Іздеуге полиция күштерінің нарядтары, еріктілер жұмылдырылды.
Жедел іздестіру шаралары барысында полиция қызметкерлері қашып кеткен қыздарды жалдамалы пәтерден тапты.
Қазіргі уақытта кәмелетке толмағандар Ақтөбе қалалық ішкі істер басқармасында.