Ақтөбеде жалдамалы жұмысшы үй иесінің құнды сағатын ұрлап кеткен
Ақтөбеде жалдамалы жұмысшы болып істеген азамат үй иесінің құнды сағатын ұрлап, сатып жіберген, деп хабарлайды Polisia.kz.
Алматы, NEGE. 6 қарашада Ақтөбе қалалық полиция бөліміне 32 жастағы жергілікті тұрғын ұрлық дерегі туралы арызданды. Жәбірленуші полиция қызметкерлеріне үйінен құны 280 мың теңгеден асатын смарт сағаты жасырын ұрланғанын хабарлады. Арызданушының айтуынша, ол өзінің құнды сағатын бөлмедегі терезенің алдына қойып, орнынан таппаған.
Осы дерек бойынша криминалдық полиция қызметкерлерімен жедел-іздестіру шараларын жүргізу барысында жәбірленушінің үйінде жуырда жөндеу жұмыстарын жүргізген тұлға күдікке ілінді. Тексеру барысында жұмысшының бұрын ұрлық жасағаны үшін сотталған 36 жастағы азамат екені анықталды.
Темір ауданындағы ауылдардың бірінде тұратын ол Ақтөбе қаласына жалданып жұмыс жасауға келіп, үйді жөндеу жұмыстарын аяқтағаннан кейін үй иесінің сағатын ұрлап кеткен. Күдікті ұсталып, кінәсін мойындады.
Ол ұрлаған сағатты базарға апарып, белгісіз адамға сатып жібергенін айтты.
Ұрлық дерегі бойынша Қазақстан Республикасы Қылмыстық кодексінің 188-бабының 1-бөлігімен қылмыстық іс қозғалды. Тергеу жүргізіліп жатыр.
Қазір оқып жатыр
«Қазақстан Халық Кеңесі туралы» заң жобасы бірінші оқылымда мақұлданды
«Баға өсті, ақша жетпейді» – Базарбек депутаттардың жағдайы туралы
Назарбаевтың жиені Нұрәлі Әлиев Қазақстандағы ең жас миллионерлердің қатарына енді
Францияда қытайлық маркетплейстердегі тауарлардың 46%-ы қауіпті деп танылды: БАҚ Temu мен Shein-нен күдіктенеді
