Ақтөбеде құрылыс басынан табылған оқушы мүрдесіне қатысты мәлімет жарияланды
Ақтөбеде 9 маусымда салынып жатқан нысанның аумағынан денесі табылған 12 жасар оқушы оқыған мектеп директоры иттердің балаға шабуылдауы үнемі орын алатынын айтты.
Нұр-Сұлтан, NEGE. "Диапазонның" хабарлауынша, марқұм 2010 жылғы бала алтыншы сыныпта оқыған. Отбасында үш бала бар.
Маған жайсыз хабар сағат 23:00 шамасында келіп түсті. Бірден үшінші ықшам ауданға келдім. Мені ішке кіргізбеді. Біз балаларды ата-аналары, чат арқылы іздей бастадық. Бір баланың үйде жоқ екенін білдік.
№60 мектеп директоры Абзал Тәжімішев
Оның айтуынша, бұған дейін де баланы ит қапқан жағдайлар болған.
Барлық инстанцияларға жаздық. Сөйтсек оларды атуға тыйым салатын заң бар екен, ит қабылдайтын орынға өткізу керек көрінеді. Жергілікті атқарушы органдардың қолы жіпсіз байлаулы.
