Ақтөбеде кәсіпкерлерді алдап кеткен күдікті анықталды
Ақтөбеде кәсіпкерлерді алдап кеткен күдікті анықталды, – деп хабарлайды Polisia.kz.
Алматы, NEGE. Полиция бөлімдеріне дүкен иелерінен бірнеше өтініш түсті. Кәсіпкерлер арыздарында салқындататын сусындарын жеткізу сылтауымен қолма-қол ақшаны иемденген жас жігіттің құрбаны болғанын айтқан.
Бүгінгі таңда 6 жәбірленуші анықталды. Бұл дерекке қатысты Қазақстан Республикасы ҚК-нің 190-бабы 1-бөлігі (Алаяқтық) бойынша сотқа дейінгі тергеу жүргізіліп жатыр. Күдіктіге үйқамақ түріндегі бұлтартпау шарасы белгіленді.
Полиция департаменті кәсіпкерлерге жоқ тауарға, әсіресе сауда фирмасы атынан келген бейтаныс адамдарға төлем жасамау керектігін ескертеді.