Ақтөбеде жоғалып кеткен ерлі-зайыптылар өлі күйінде табылды
Ақтөбеде іздеу жарияланған ерлі-зайыптылардың екеуі де өлі күйінде табылды. Бұл ақпаратты өңірдің полиция департаментінің баспасөз қызметі растады.
Астана, NEGE. 20 қарашада волонтерлер із-түссіз жоғалған отбасылық жұпты іздеу туралы хабарлаған. Ерлі-зайыптылар шамамен таңғы 10:00-де үйден шығып, қайта оралмаған.
Бүгін, 21 қарашада, полиция әйелдің мәйіті табылғанын мәлімдеді. Оның денесінде зорлық-зомбылық белгілері бар екен.
«Қосымша іс-шаралар барысында күйеуі асылып өлген күйде табылды. Оқиға орнында тергеу-оперативтік топ жұмыс істеп жатыр», – деп хабарлады ведомства.
Полиция оқиғаның мән-жайын анықтау үшін тиісті сараптамалар тағайындады.
