Ақтөбеде жеке үйге кіріп кеткен белгісіз адам қызды кепілге алды
Ақтөбе қаласындағы Мәскеу ауданында орналасқан жеке үйге белгісіз біреу кіріп кетіп, қызды кепілге алды.
Алматы, NEGE. Қазір келіссөз жүріп жатыр.
Ақтөбе облыстық ПД баспасөз қызметінің хабарлауынша, 102-ге қоңырау түскен. Онда қызды кепілге алғаны туралы хабарлама болды.
«102 пультіне жеке үйлердің біріне белгісіз адам кіріп кетіп, қызды кепілге алды деген хабар келіп түсті. Сол жерге барлық төтенше қызмет өкілдері жіберілді. Сол аудан қоршауға алынды. Полиция департаментінің бастығы, қала прокуроры сол жерде жүр, келіссөз жүргізіліп жатыр», – деп хабарлады полициядан.
