Ақтөбеде кәмелет жасқа толмаған балалардан қомақты ақша бопсалаған қылмыстық топ ұсталды
Ақтөбеде бопсалаумен айналысқандар ұсталды, деп хабарлайды Polisia.kz.
Алматы, NEGE. Алға ауданында ҰҚҚКБ полицейлері бопсалаумен айналысқан бес жас жігітті ұстады. Алдын ала сөз байласқан күдіктілер тобы қорқыту және күш көрсету арқылы кәмелетке толмаған баладан 100 мың теңге бопсалаған.
Күдіктілердің бірінің тұрғылықты жерінен полицейлер пневматикалық тапанша, сондай-ақ Toyota Rav4 автокөлігінен металл бита мен бірнеше газ құтысы бар қорап тауып, тәркіледі. Тағы бір жағдайда жедел уәкілдер екі күдіктіні ұстады, олар жүйелі түрде ақша қаражатын бопсалап, колледждердің бірінің студентін өз атына 1 млн теңге несие рәсімдеуге бірнеше рет мәжбүрлеген.
Бопсалау фактілері бойынша сотқа дейінгі тергеп-тексеру жүргізіліп жатыр.