Ақтөбеде дзюдодан Қазақстанның іріктеу чемпионаты өтеді
Ақтөбеде 15-18 қараша аралығында дзюдодан ерлер мен әйелдер арасындағы Қазақстан Республикасының чемпионаты өтеді.
Алматы, NEGE. Федерация баспасөз қызметінің ақпараты бойынша жарыстар «Қоныс» спорт кешенінде өтеді және оған Қазақстанның 17 облысы, Астана, Алматы, Шымкент қалаларынан 500-ге тарта спортшы қатысады.
Чемпионат нәтижелері бойынша жаңа маусымға ұлттық құрама жасақталады. Төрткүндік бағдарлама аясында қатысушылардың ішінен жеті салмақ категориясы бойынша ең мықты деген спортшылар анықталады.
Одан бөлек аралас командалық жарыстар өтіп, жеңімпаз атанған спортшы Қазақстан Кубогін иеленеді.
