Ақтөбеде дүкенде болған жарылыстан зардап шеккендер бар
Жарылыс пен өрт дүкеннің шатырына зақым келтірді.
Алматы, NEGE. Ақтөбе қаласында дүкеннің ішінде оттегі баллоны жарылып, өрт шықты. Оқиға А.Макаренко көшесіндегі сауда нысандарының бірінде 31 мамырда күндіз болған, деп хабарлайды ТЖМ баспасөз қызметі.
«Өрт туралы хабарлама бойынша оқиға орнына жоғарғы дәрежелі шақырту бойынша өрт сөндірушілер жеткен. Өрт дүкеннің шатырындағы ағаш құрылымдарды шарпыған. Оттегі баллонының жарылысы өрт сөндірушілер келгенге дейін болған», – деп жазылған хабарламада.
Құтқарушылар өрт шыққан ошақты шатырды ашу арқылы анықтап, жалпы 100 шаршы метр аумақтағы өртті сөндірген.
«Өрт салдарынан күйік шалған екі адам ауруханаға жеткізілді», – деп хабарлады ҚР ТЖМ.
Қазіргі уақытта өрттің шығу себептері мен қауіпсіздік ережелерінің сақталу деңгейітексеріліп жатыр. Мамандардың айтуынша, мұндай нысандарда өрт қауіпсіздігі талаптарын қатаң сақтау аса маңызды.
Мамандар газ баллондарын сақтау мен пайдалануда қауіпсіздік ережелерін сақтауға, электр жүйелерін уақытылы тексеруге, төтенше жағдай қызметтерінің кеңесін тыңдауға кеңес береді.
