Ақтөбе облысының әкімі табысын әйеліне беретінін айтты
Ақтөбе облысының әкімі Оңдасын Оразалин отбасы азық-түлікке қанша жұмсайтынын айта алмады.
Алматы, NEGE. Телеарна мәліметінше, Ақтөбеде әйелдер өңірдегі қымбатшылыққа байланысты әкімнің алдына жиналған. Олар шай, май, қант, макарон, картоп арзандауын сұрады.
Бірақ өңір басшысы телеарнаға берген сұхбатында Ақтөбеде азық-түлік қанша екенін айта алмады.
"Өзімнің бүкіл табысымды жолдасыма беріп қоямын. Сол банк картасын пайдаланатын да сол кісі", - деді Оразалин.
Әкім азық-түлік қымбаттап жатқанын мойындаған, тек сырттан келетін көкөніс, қант пен майдың құнын тұрақтандыра алмай отырғанын айтқан.
