Ақтөбе облысында ауа райының қолайсыздығына байланысты 93 адам эвакуацияланды
Өткен тәулікте жүк және жолаушылар көлігі үшін жол қозғалысының шектелуіне байланысты Ақтөбе облысы ТЖД құтқарушылары 93 адамды эвакуациялады.
Алматы, NEGE. 2023 жылғы 24 ақпанда сағат 22.50-де Әйтеке би ауданының «Самара-Шымкент» автожолының 964 км-де ТЖД күштері «Yutong» маркалы жолаушылар автобусына (Бішкек-Мәскеу) жол көрсетіп Қарабұтақ кентіне бірге барды. Жылыту пунктіне (орталық мешіт) Өзбекстан мен Тәжікстан Республикасының 41 азаматы эвакуацияланды.
25 ақпанда сағат 04:05-те Ақтөбе қаласының Едіге батыр даңғылында ТЖД күштері техникалық ақауы бар «Setra» (Шымкент-Мәскеу) маркалы жолаушылар автобусынан Жаңақоныс кентінің жылыту пунктіне (мешіт) 54 адамды эвакуациялады. Оның 52-сі Өзбекстан Республикасының азаматтары.
Авариялық-құтқару жұмыстарына 52 құтқарушы мен 14 бірлік техника жұмылдырылды.
Ақтөбе облысының ТЖД азаматтарды алыс жолға шыққан кезде дауылды ескертулермен танысуға және қысқы кезеңдегі қауіпсіздік ережелерін қатаң сақтауға кеңес береді.
Қазір оқып жатыр
Шахматшы Бибісара Асаубаева ІІ дәрежелі «Барыс» орденімен марапатталды
Алматыны дамыту мәселесі Президент деңгейінде қарастырылуы тиіс – саясаттанушы
Рақымшылық аясында кімнің айыппұлы кешірілмейді: Кірістер комитеті нақтылады
«30 жылдық тарихи миссиясын аяқтады»: Астанада Сенаттың соңғы отырысы өтті
