Ақтөбе облысында 52 жолаушысы бар автобус аударылды
13 қазанда Самара – Шымкент тас жолында автобус аударылып қалды. Жол-көлік оқиғасы кезінде көлікте күзет агенттіктеріеің бірінің 52 қызметкері болған, деп хабарлайды Zakon.kz.
Ақтөбе, NEGE. Облыстық полицияның мәліметінше, жол апаты Ақжар ауылының маңында болған.
«Автобуста 52 жолаушы болған, олардың барлығы күзет агенттіктерінің бірінің қызметкерлері, олар жұмысқа бара жатқан», - дейді Ақтөбе облысы ПД баспасөз қызметі.
Полицейлердің айтуынша, жүргізуші тізгінге ие бола алмай, автобус шұңқырға ұшып кеткен.
«Түрлі дене жарақаттарымен 9 жолаушы Хромтау орталық ауруханасына жеткізілді», деп хабарлады ведомство.
Дәл осы трассада13 қазан күні таңертең "Газель" мен Yutong жолаушылар автобусы соқтығысты. Оқиға салдарынан автобустың бір жолаушысы қаза тауып, бесеуі зардап шекті.