Ақтөбе облысында ірі қарадан қарасан ауруы табылды
Ақтөбе облысының Ойыл ауданында ірі қарадан қарасан ауруы табылды. Көптоғай ауылдық округіне қарасты «Мәтжан» шаруа қожалығына карантин енгізілді.
Алматы, NEGE. Қауіпті індеттен төрт сиыр өлген. Қазір мамандар екпе және залалсыздандыру жұмыстарын жүргізіп жатыр. Елді мекеннен сыртқа мал еті шығарылмайды.
Шектеу шаралары екі аптадан кейін ғана алынуы мүмкін.
Бұл шаруа қожалығында барлығы 240 сиыр мен 600-дей қой және бір үйір жылқы бағылады.