Ақтөбе облысында құдыққа құлап кеткен қыз бен оны құтқармақ болған ер адам қаза тапты
17 маусымда Байғанин ауданына қарасты Көлтабан ауылдық округіндегі Жарлы ауылында, үй ауласында орналасқан тереңдігі шамамен 10 метр, қоқысқа толы құдыққа 9 жастағы қыз бала құлап кеткен. Балақайды құтқармақ болған 1987 жылы туған ер адам құдыққа түскен, алайда қайта шыға алмаған, деп хабарлады Ақтөбе облысы төтенше жағдайлар департаментінің баспасөз қызметі.
Алматы, NEGE. Құтқарушылардың көмегімен бала мен ер адам құдықтан ес-түссіз күйде шығарылды.
– Төтенше жағдайлар бөлімінің қызметкерлері жедел түрде алғашқы медициналық көмек көрсетті, алайда көрсетілген шараларға қарамастан, екеуі де көз жұмды, – деп нақтылады департамент.
ТЖД мамандарының болжамынша улы газға уланған.
