Ақтөбе облысында қызметінен кеткен әкім өлі күйінде табылды
Ақтөбе облысына қарасты Кеңкияқ ауылдық округінің бұрынғы әкімі Қуанышбек Серікжанов 6 мамыр күні өз үйінде өлі күйінде табылды.
Астана, NEGE. Облыстық әкімдік өкілдерінің мәлімдеуінше, ол 4 мамыр күні қызметтен босату туралы арыз жазып, 5 мамырда ресми түрде қызметтен кеткен.
Ақтөбе қалалық полиция басқармасы 1983 жылы туған ер адамның қайтыс болу фактісі бойынша сотқа дейінгі тергеп-тексеру амалдарын бастады.
«Тергеу барысында оқиғаның барлық мән-жайы анықталады. Тергеу мүддесіне байланысты өзге ақпарат жарияланбайды», – делінген полиция хабарламасында.
Қуанышбек Серікжанов Кеңқияқ ауылдық округін 2023 жылғы қазан айынан бері басқарып келген. Оған дейін әкімнің орынбасары қызметін атқарған.
