Олигархтардың ұлдарымен төбелесіп сотталған актер бостандыққа шықты
Бұл туралы актердің өзі әлеуметтік желідегі парақшасында хабарлады.
Алматы, NEGE. Естеріңізге сала кетейік, Асқар Жұмабек Алматыдағы караоке-барда Қазақстандық олигархтар Бахаридин Әбләзімов пен Дінмұхамед Ыдырысовтың ұлдары Нұрмұхамет Нұғман мен Жармұхамед Аппазбен төбелесіп, істі болған еді. Сот шешімімен ол 6 жыл 6 айға бас бостандығынан айырылған.
«Алла ұлық! Алла ғажайып беруші. Алла – жалғыз. Сүйінші қазақ елі, менің жанашырларым, көрермендерім! Мен орталарыңызға қайта оралдым!», – деп жазды Асқар Жұмабек.
-
Тақырыпқа орай: Актер Асқар Жұмабек президентке араша сұрап хат жазды
Айта кетейік, 2022 жылдың 28 желтоқсанында Алматыдағы Little Brazil караоке-барына жаппай төбелес болған. Отандық актер Асқар Жұмабек те жаға жыртысқандардың қатарынан табылып, басы дауға қалған.
Асқар Жұмабек – “Рауза”, “Қарлығаш ұя салғанда”, “Алғашқы махаббат”, Ақ жауын” сынды отандық сериалдар арқылы өз көрерменін тапқан актер.
